كل اللي محتاج تعرفه عن ICPC HUE

المسابقة بتمر بأكتر من مرحلة:

• ECPC التصفيات على مستوى مصر.
• ACPC التصفيات العربية والأفريقية.
• World Finals النهائيات العالمية.

يعني لو كملت في المراحل، ممكن توصل إنك تنافس فرق من جامعات في دول مختلفة حول العالم.

وعشان تتطور، هتتدرب على:

• Algorithms
• Data Structures
• Graphs و Trees
• كتابة الكود بسرعة ودقة
• العمل ضمن فريق
• التفكير تحت ضغط الوقت

المسألة شكلها بسيط، لكن المسابقة بتختبر قدرتك على فهم التفاصيل والتعامل مع كل الحالات وكتابة حل صح. وعلى فكرة، لما بتحل سؤال في المسابقة بتاخد بلونة… آه، بلونة فعلًا 🎈

غالبًا هتقابل جزء خاص بالـ Problem Solving والـ Data Structures والـ Algorithms، ويطلبوا منك تفهم المسألة، تختار الحل المناسب، تكتب الكود وتشرح ليه الحل صح وفعّال.

وإن شاء الله في يوم الـ Orientation هنحاول نجيب باشمهندس شارك وتأهل في ICPC أكتر من مرة، وبعدها اشتغل في Microsoft، عشان يحكيلكم بنفسه إزاي الـ Problem Solving ساعده في مشواره.

وآه، فيه AI دلوقتي، لكن قدرتك على التفكير وتحليل المشاكل لسه من أهم المهارات المطلوبة لأي مبرمج.

لا، خالص. تقدر تبدأ معانا من الصفر، حتى لو لسه ما كتبتش كود قبل كده، أو دخلت الكلية قريب، أو مش عارف أي حد في الـ Community. إحنا هنبدأ معاك خطوة بخطوة.

برضه لا. عادي جدًا تدخل لوحدك، وإحنا مع الوقت هنساعدكم في تكوين التيمات. كل تيم في المسابقة بيتكون من 3 أفراد، فمتقلقش لو لسه مش عارف هتدخل مع مين.

لا، الانضمام مجاني بالكامل. الـ Community قائم على فكرة: طلاب بيساعدوا طلاب… وجيل بيسلّم جيل. التدريب بيقدمه طلاب عندهم خبرة في المسابقات، أو Rank قوي على Codeforces، أو سبق وشاركوا في سيزون كامل.

لا، إحنا مش جايين نزود عليكم مواد وسكاشن 😭 التدريب بيكون موجه للتوبيكس والمهارات اللي هتحتاجها فعلًا في المسابقة، مع حل مسائل وتطبيق عملي بشكل مستمر. هتكتب كود، تحل، تغلط، تفهم غلطك، وتجرب تاني لحد ما مستواك يتحسن.

الـ Community بيحصل على دعم من إدارة الكلية وأعضاء هيئة التدريس، بالإضافة إلى الطلاب المشاركين والمنظمين. والموضوع مش حاجة غريبة أو جديدة؛ مجتمعات ICPC موجودة في جامعات كتير جدًا داخل مصر وخارجها، ودي أول خطوة لينا عشان نبني Community قوية داخل جامعة حورس.